اسلام آباد(پاک ترک نیوز) صدر مملکت عارف علوی نے آرمی چیف جنرل سید عاصم منیر کو نشان امتیاز ملٹری سے نواز دیا۔
تفصیلات کے مطابق ایوان صدر میں اعزازات دینے کی تقریب منعقد کی گئی۔ جس میں صدر مملکت ڈاکٹر عارف علوی نے چیئرمین جوائنٹ چیفس آف سٹاف کمیٹی کو نشان امتیاز ملٹری سے نواز دیا۔صدر مملکت عارف علوی نے آرمی چیف جنرل سید عاصم منیر کو بھی نشان امتیاز ملٹری سے نوازا۔
تقریب میں وزیر اعظم شہباز شریف اور وزیر اعظم آزاد کشمیر بھی موجود تھے جبکہ وفاقی وزرا خواجہ آصف، سردار ایاز صادق اور مریم اورنگزیب بھی تقریب میں شریک تھے۔ چیئرمین سینیٹ، اسپیکر قومی اسمبلی اور دیگر وفاقی وزرا نے بھی تقریب میں شرکت کی۔