لاہور(پاک ترک نیوز) فٹبال ورلڈکپ کی ٹرافی ایک روزہ دورےپر لاہور پہنچ گئی۔
فرانسیسی فٹبالر کرسٹن کریمبیو فیفا ورلڈ کپ ٹرافی کے ہمراہ لاہور کے علامہ اقبال ائرپورٹ پہنچے ۔پاکستانی ویمن فٹبال ٹیم کی کپتان حاجرہ نے ان کا استقبال کیا۔
تفصیلات کے مطابق فیفا ورلڈ کپ ٹرافی 2022 ایک روزہ دورے پر لاہور پہنچ گئی، ٹرافی کی رونمائی آج نجی ہوٹل میں ہوگی، ٹرافی آذربائجان سے لاہور لائی گئی ہے۔ ٹرافی کو لاہور کے بعد سعودی عرب پہنچایا جائے گا۔
لاہور کے نجی ہوٹل کے ہال کو فٹبال کے میدان کی طرح ڈھال دیا گیا ہے، ہال کے ایک سائیڈ پر پلئیرز چینج روم بنایا گیا ہے جبکہ ہال کی دوسری طرف فٹبالز رکھے گئے ہیں۔
یہ دوسرا موقع ہے کہ جب فیفا فٹبال ورلڈ کپ کی ٹرافی پاکستان پہنچے گی ۔ اس سے قبل 2018کے ورلڈ کپ سے قبل بھی ٹرافی پاکستان آئی تھی۔ٹرافی کے ہمراہ فرانس کے فٹبال ورلڈ کپ ونر کرسٹن کیرمبایو بھی پاکستان آئے تھے جنہوں نے ٹرافی کو نمائش کیلئے پیش کیا تھا۔