قومی ٹیم دورہ نیدر لینڈز کیلئے لاہور سے روانہ

لاہور(پاک ترک نیوز) قومی کرکٹ ٹیم دورہ نیدر لینڈز کیلئے لاہور سے روانہ ہو گئی ۔ قومی سکواڈ کی قیادت بابر اعظم کر رہے ہیں ۔پاکستانی ٹیم دبئی کے راستہ ایمسٹرڈیم پہنچے گی ۔
دونوں ملکوں کے درمیان تین ون میچز کی سیریز کھیلی جائے گی۔پہلا ون ڈے 16، دوسرا اٹھارہ جبکہ تیسرا اور آخری ایک روزہ میچ 21اگست کو کھیلا جائے گا۔

یاد رہے کہ نیدرلینڈز کے خلاف تین ون ڈے انٹرنیشنل میچزکیلئے16کھلاڑیوں کا انتخاب کیا گیا ہے۔اے سی سی ٹی ٹونٹی ایشیا کپ کیلئے15کھلاڑیوں کا اعلان کیا گیا۔
نسیم شاہ کو قومی اسکواڈز میں شامل کرلیا گیا ہے۔ حسن علی کو دونوں ٹورز سے آرام دیا گیا ہے۔ کپتان بابر اعظم، نائب کپتان شاداب خان، عبداللہ شفیق، فخر زمان اور حارث رؤف قومی ون ڈے انٹرنیشنل اسکواڈ میں شامل ہیں۔
امام الحق، خوشدل شاہ، محمد حارث، محمد نواز، محمد رضوان اور محمد وسیم جونیئر بھی دورہ نیدرلینڈز کا حصہ ہوں گے۔نسیم شاہ، سلمان علی آغا، شاہین شاہ آفریدی، شاہنواز دھانی اور زاہد محمود بھی قومی ون ڈے انٹرنیشنل اسکواڈ کا حصہ ہیں۔
اے سی سی ٹی ٹونٹی ایشیا کپ کے لیے اعلان کردہ اسکواڈ کی قیادت بھی بابر اعظم کریں گے۔نائب کپتان شاداب خان، آصف علی، فخر زمان، حیدر علی، حارث رؤف اور افتخار احمد قومی ٹی ٹونٹی اسکوآڈ کا حصہ ہوں گے۔