لاہور ٹیسٹ ،آسٹریلیا کی میچ پر گرفت مضبوط

لاہور (پاک ترک نیوز) لاہور کے قذافی سٹیڈیم میں جاری تیسرے ٹیسٹ میچ میں آسٹریلیا کی بیٹنگ جار جاری ہے ۔ آسٹریلیا نے کھانے کے وقفے تک 320رنز بنا لئے ہیں اور اس کے پانچ کھلاڑی آئوٹ ہیں۔ کھانے کے وقفے تک کوئی بھی پاکستان بائولر وکٹ لینے سے محروم ہے ۔
مہمان ٹیم آسٹریلیا نے 232 رنز 5 وکٹوں سے دوسرے روز اپنی بقیہ اننگز کا آغاز کیا، بلےباز الیکس کیری 60 اور کیمرون گرین 56 رنز بنا کر وکٹ پر موجود ہیں۔ دونوں کھلاڑیوں کے درمیان اب تک 114 رنز کی شراکت قائم ہوچکی ہے۔
کھیل کے پہلے روز آسٹریلوی بلے باز عثمان خواجہ 91 رنز بنا کر نمایاں رہے۔