لاہور(پاک ترک نیوز) قومی کرکٹ ٹیم کے سابق کپتان اور لیجنڈ بیٹسمین انضمام الحق کو پشاور زلمی کا صدر مقرر کردیا گیا۔لیجنڈ بیٹسمین انضمام الحق پی ایس ایل کے گزشتہ سیزن میں پشاورزلمی سے بطورمینٹورمنسلک رہے تھے۔
پشاور زلمی کے چیئرمین جاوید آفریدی نے کہا ہے کہ انضمام الحق کی شمولیت سے پشاورزلمی کے کرکٹرز کوبھرپورفائدہ ہوگا خصوصاً نوجوان کرکٹرز کوبہت کچھ سیکھنے کا موقع ملے گا۔
انہوں نے مزید کہا کہ انضمام الحق کو زلمی فیملی میں ایک بار پھر خوش آمدید کہتے ہیں۔ انضمام الحق لیجنڈ ہیں۔