دبئی (پاک ترک نیوز) قومی ٹیم کے وکٹ کیپر بلے باز محمد رضوان آئی سی سی پلیئر آف دی منتھ قرار دیدیے گئے ۔
تفصیلات کےمطابق انٹرنیشنل کرکٹ کونسل (آئی سی سی) نے پلیئر آف دا منتھ کا اعلان کر دیا ،محمد رضوان کو بہترین کارکردگی پر ستمبر کا بہترین پلیئر قرار دیا گیا، محمد رضوان نے 10 میچوں میں 7 نصف سنچریاں بنائیں، جبکہ انگلینڈ سیریز میں 63.20 کی اوسط سے 316 رنز بنائے۔
اس حوالے سے محمد رضوان کا کہنا تھا کہ ایوارڈ جیتنے پر اللہ کا شکر ادا کرتا ہوں، اعزاز میرے اعتماد میں مزید اضافہ کریگا،اپنی کارکردگی سے خوش ہوں، اچھی کارکردگی کا تسلسل آسٹریلیا میں جاری رکھنے کی کوشش کرونگا۔
محمد رضوان نے اپنا اعزاز سیلاب متاثرین کے نام کردیا کہا امید ہے یہ اعزاز سیلاب متاثرین کے چہرے پر خوشی بکھیر دےگا۔