لاہور(پاک ترک نیوز) قومی کرکٹ ٹیم کے وکٹ کیپر بیٹر محمد رضوان نے کپتان بابراعظم کو پیچھے چھوڑ دیا ۔ محمد رضوان ٹی ٹونٹی رینکنگ میں پہلے نمبر پر پہنچ گئے ۔
بابر اعظم کی نمبر ون پوزیشن قومی ٹیم کے بہترین بلے باز محمد رضوان نے چھین لی۔ محمد رضوان 815 پوائنٹس کے ساتھ پہلے اور بابر اعظم 794 پوائنٹس کے ساتھ دوسری پوزیشن پر آ گئے ہیں۔
انٹرنیشنل کرکٹ کونسل نے نئی ٹی 20 رینکنگ جاری کر دی۔ محمد رضوان نے ٹی 20 رینکنگ میں کپتان بابر اعظم کو پیچھے چھوڑ دیا۔قومی ٹیم کے کپتان بابر اعظم ایک ہزار دنوں پر ٹی 20 کا تاج سرپر سجائے رکھا تاہم اب وہ اس پوزیشن سے محروم ہونے کے بعد دوسری پوزیشن پر آ گئے ہیں۔