لاہور(پاک ترک نیوز) معروف اداکار مسعود اختر طویل علالت کے بعد انتقال کر گئے ۔ ان کی عمر 82برس تھی۔وہ گزشتہ ایک ماہ سے ہسپتال میں زیر علاج تھے۔
تفصیلات کے مطابق معروف اداکار مسعود اختر میں چند روز قبل پھیپھڑوں کی تشخیص ہوئی تھی اور وہ گزشتہ ایک ماہ سے لاہور کے ہسپتال میں زیر علاج تھے۔
گورنر اور وزیر اعلیٰ پنجاب سمیت مختلف رہنماؤں اور شوبز کے افراد نے مسعود اختر کے انتقال پر افسوس کا اظہار کیا۔
واضح رہے کہ مرحوم کے اکلوتے بیٹے کا انتقال بھی 5 ماہ قبل ہوا تھا جس کے بعد سے ہی ان کی طبیعت ناساز رہنے لگی تھی۔