کینبرا(پاک ترک نیوز) معروف آسٹریلوی کرکٹر اور لیگ سپنر شین وارن انتقال کر گئے ۔ ان کی عمر52برس تھی۔
تفصیلات کے مطابق معروف آسٹریلوی کرکٹر شین وارن کے قریبی ذرائع کا کہنا ہے کہ شین وارن دل کا دورہ پڑنے سے تھائی لینڈ میں انتقال کرگئے ہیں۔
آسٹریلوی کرکٹر شین وارن نے 145 ٹیسٹ میچ کھیلے ہیں جن میں انہوں نے 708 وکٹیں حاصل کیں وہ مرلی دھرن کے بعد دنیا کے سب سے زیادہ ٹیسٹ وکٹیں حاصل کرنے والے باؤلر تھے۔
شین وارن نے 194 ون ڈے انٹرنیشنل میں بھی آسٹریلیا کی نمائندگی کی اور انہوں نے ون ڈے میں 293 وکٹیں حاصل کی ہیں۔