لاہور(پاک ترک نیوز) معروف سٹیج اداکار و کامیڈین طارق ٹیڈی 46برس کی عمر میں انتقال کر گئے ۔طارق ٹیڈی کی نماز جنازہ آج لاہور میں ادا کی جائے گی۔
وہ کافی عرصے سے علیل تھے اور سانس او ر جگر کے عارضے میں مبتلا تھے ۔وہ گزشتہ دس روز سے پی کے ایل آئی ہسپتال میں زیر علاج تھے۔
معرو ف اداکار طارق ٹیڈی 12 اگست 1976کو فیصل آباد میں پیدا ہوئے اور انہوں نے سوگواران میں بیٹا جنید اور دو بیٹیاں چھوڑی ہیں،
طارق ٹیڈی کا شمار اسٹیج کے بہترین اداکاروں میں ہوتا تھا جو طنزو مزاح سے لوگوں کے چہروں پر مسکراہٹ بکھیرنے کا ذریعہ بھی تھے۔
واضح رہے اداکار طارق ٹیڈی کے علاج کے لیے وزیر اعلی پنجاب نے مالی امداد کا اعلان بھی کیا تھا۔