ملتان (پاک ترک نیوز) پاکستان اور انگلینڈ کے درمیان جاری تین ٹیسٹ میچوں کی سیریز کے دوسرے ٹیسٹ میچ میں مہمان ٹیم انگلینڈ کی پوری ٹیم 281رنز بنا کر آئوٹ ہو گئی۔
تفصیلات کے مطابق ملتان میں جاری دوسرے ٹیسٹ میچ کے پہلے روز انگلینڈ نے اپنی پہلی اننگز میں 281رنز بنائے اور تمام کھلاڑی آئوٹ ہوگئے ۔انگلینڈ کی جانب سے بینک ڈکٹ نے 63جبکہ اولیو پوپ نے 60رنز کی اننگز کھیلی ۔
قومی ٹیم کی جانب سے ڈیبیو کرنیوالے ابرار احمد نے 7وکٹیں حاصل کیں ۔جبکہ زاہد محمود نے تین کھلاڑیوں کو پویلین کی راہ دکھائی ۔
یاد رہے کہ مہمان ٹیم کو سیریز میں ایک صفر کی برتری حاصل ہے پہلے ٹیسٹ میں انگلینڈ نے پاکستان کو 74رنز سے شکست دی تھی جبکہ سیریز کا آخری ٹیسٹ میچ 17دسمبر سے کراچی میں کھیلا جائے گا۔