ہالی ووڈ (پاک ترک نیوز)
ہالی وڈ کی مشہور فلم جوکر کی کامیابی کے بعد وارنر برادرز نے جوکر 2 بنانے کا اعلان کردیا ہے۔فلم جوکر 2 میں بھی ہواکین فینکس جوکر کا کردار ادا کریں گے جبکہ ان کے ساتھ معروف سنگر لیڈی گاگا بھی اداکاری کے جوہر دکھائیں گی
وارنر برادرز کی جانب سے گذشتہ روز فوٹو اور وڈیو شئیرنگ پلیٹ فارم انسٹاگرام پر فلم جوکر کے سیکوئل جوکر 2 کا اعلان کیا گیا ہے۔ انسٹاگرام پوسٹ کے مطابق 2019 میں ریلیز ہونے والی مشہور فلم جوکر کا سیکوئل 4 اکتوبر 2024 کو ریلیز کیا جائے گا۔فلم جوکر 2 میں بھی ہواکین فینکس جوکر کا کردار ادا کریں گے جبکہ ان کے ساتھ معروف سنگر لیڈی گاگا بھی اداکاری کے جوہر دکھائیں گی۔
2019 میں ریلیز ہونے والی فلم جوکر کی کہانی ایک آرتھر نامی مسخرے کے گرد گھومتی ہے جو ذہنی دباؤ کا شکار رہتا ہے اور پھر سماج کی رویوں کے باعث جرائم کی دنیا میں قدم رکھ لیتا ہے۔
اس فلم نے باکس آفس پر ارب ڈالر سے زائد کا کاروبار کیا تھا جبکہ اسی فلم میں اداکاری کے باعث ایکٹر ہواکین فینکس کو بہترین اداکار کا آسکر ایوارڈ دیا گیا تھا۔