ویمنز ورلڈ کپ ،فیصلہ کن معرکے میں آسٹریلیا اور انگلینڈ آج مد مقابل

کرائسٹ چرچ (پاک ترک نیوز) نیوزی لینڈ میں جاری آئی سی سی ویمنز ورلڈ کپ کے فائنل میں انگلینڈ اور آسٹریلیا کی خواتین ٹیمیں آج مد مقابل آئیں گی۔ دونوں ٹیموں کے درمیان فیصلہ کن معرکہ مقامی وقت کے مطابق شام چھ بجے شروع ہو گا۔
اس سے قبل پہلے سیمی فائنل میں آسٹریلیا نے ویسٹ انڈیز کی خواتین ٹیم کو شکست دی تھی جبکہ دوسرے سیمی فائنل میں انگلینڈ کی خواتین ٹیم نے سائوتھ افریقہ کو شکست دے کر فائنل کا ٹکٹ کٹوایا تھا۔
یاد رہے کہ پاکستان کی خواتین ٹیم سات میچوں میں سے صرف ایک کامیابی حاصل کر سکی تھی جبکہ اسے 6میچوں میں شکست کا سامنا کرنا پڑا ۔قومی خواتین ٹیم پوائنٹس ٹیبل پر آخری نمبر پر موجود ہے۔