ویمن ورلڈ کپ ، پاکستانی خواتین ٹیم کو انگلینڈ کے ہاتھوں شکست

ہیگلی اوول (پاک ترک نیوز) نیوزی لینڈ میں جاری آئی سی سی ویمن ورلڈ کپ میں پاکستانی خواتین ٹیم کو انگلینڈ کے ہاتھوں 9وکٹوں سے شکست کا سامنا کرنا پڑا۔
قومی خواتین ٹیم 41اوورز میں صرف 105رنز بنا کر آئوٹ ہو گئی۔ قومی ٹیم کی 8کھلاڑی ڈبل فیگر میں بھی داخل ہی نہ ہو سکیں ۔پاکستان کی جانب سے سدرہ امین 32رنز بنا کر نمایاں بلے باز رہیں ۔
انگلینڈ نے مقررہ ہدف ایک وکٹ کے نقصان پر حاصل کرلیا۔انگلینڈ نے قومی خواتین ٹیم کو ٹاس جیت کر بیٹنگ کی دعوت دی۔ قومی خواتین ٹیم کی بلے باز پویلین لوٹتی رہیں ۔ سدرہ امین 32جبکہ سدرہ نواز 23رنز بنا سکیں قومی ٹیم کی 8بلے باز ڈبل فیگر میں بھی داخل نہیں ہو سکیں۔انگلش ویمنز بائولر کیتھرین برنٹ اور سوفی ایکلسٹن نے 3، 3 وکٹیں حاصل کیں۔
انگلینڈ ٹیم کی اوپنر بیٹر ڈینی نے 76رنز کی بہترین اننگز کھیلی اور ٹیم نے مقررہ ہدف ایک وکٹ کے نقصان پر حاصل کرلیا۔
یاد رہے کہ قومی ویمنز ٹیم میگا ایونٹ میں 6میچز میں صرف ایک میچ میں کامیابی حاصل کر سکی ہیں۔