ٹی ٹونٹی و رلڈ کپ ، انگلینڈنے سیمی فائنل کیلئے کوالیفائی کرلیا

سڈنی (پاک ترک نیوز) ٹی ٹونٹی ورلڈ کپ کے سپر 12مرحلے میں انگلینڈ نے سری لنکا کو شکست دے کر سیمی فائنل کیلئے کوالیفائی کرلیا ۔دفاعی چیمپئن آسٹریلیا دوڑ سے باہر ہو گیا۔
تفصیلات کے مطابق آسٹریلوی شہر سڈنی میں جاری ٹی ٹونٹی ورلڈ کپ کے سپر 12مرحلے میں انگلینڈ نے سری لنکا کو شکست دے کر سیمی فائنل کیلئے کوالیفائی کرلیا۔ گروپ اے میں نیوزی لینڈ پہلے ہی سیمی فائنل میں پہنچ چکا ہے ۔ دفاعی چیمپئن آسٹریلیا دوڑ سے باہر ہو گیا ۔
انگلینڈ نے 142رنز کا ہدف 6وکٹوں کے نقصان پر آخری اوور میں پورا کیا۔انگلینڈ کی جانب سے ایلکس ہیلز نے 47جبکہ بین سٹوک نے ناقابل شکست 42رنز سکور کئے ۔
سری لنکا کی جانب سے رجیتا ،کمارا اور ڈی سلوا نے دو دو کھلاڑیوں کو آئوٹ کیا۔
اس سے قبل سری لنکا نے انگلینڈ کیخلاف ٹاس جیت کر پہلے بیٹنگ کا فیصلہ کیا اور مقررہ بیس اوورز میں 8وکٹوں کے نقصان پر 141رنز بنائے۔
سری لنکا کی جانب سے نشاکا نے 67رنز راجاپکسا نے 22رنز بنائے ۔ انگلینڈ کی جانب سے مارک ووڈ نے تین جبکہ سٹوکس ،ووکس ،سیم کرن اور عادل رشید نے ایک ایک کھلاڑی کو آئوٹ کیا۔