لاہور(پاک ترک نیوز) پاکستان اور انگلینڈ کے درمیان سات ٹی ٹونٹی میچوں کی سیریز کا پانچواں ٹی ٹونٹی میچ کل کھیلا جائے گا ۔
تفصیلات کے مطابق پاک انگلینڈ ٹی ٹونٹی سیریز کا پانچواں ٹی ٹونٹی میچ کل لاہور کے قذافی سٹیڈیم میں کھیلا جائے گا ۔ دونوں ٹیمیں آج قذافی اسٹیڈیم لاہور میں پریکٹس کریں گی۔
دوسرے مرحلے میں لاہور میں تین ٹی ٹوئنٹی میچز کھیلے جائیں گے۔ پاکستان اور انگلینڈ کی ٹیمیں کل سیریز کے پانچویں میچ میں لاہور میں مدمقابل ہوں گی۔کراچی میں سیریز کے پہلے چار میچ کھیلے گئے تھے ۔سات میچوں کی سیریز ابھی تک دو دو سے برابر ہے۔
پانچویں میچ سے قبل پاکستان اور انگلینڈ کے کھلاڑی آج قذافی اسٹیڈیم میں ٹریننگ سیشن میں حصہ لیں گے۔دونوں ٹیموں کا ٹریننگ سیشن رات 7بجے شروع ہو گا۔ کھلاڑی بائولنگ، بیٹنگ اور فیلڈنگ میں اپنی کمزوریوں کو دور کرنے کے لیے ٹریننگ کریں گے۔
سات میچوں پر مشتمل سیریز کا چھٹا ٹی ٹوئنٹی میچ 30 ستمبر اور 7 واں اور آخری ٹی ٹوئنٹی میچ 2 اکتوبر کو کھیلا جائے گا۔