لاہور(پاک ترک نیوز) پاکستان اور ویسٹ انڈیز ون ڈے انٹرنیشنل سیریز راولپنڈی سے ملتان منتقل کردی گئی۔ دونوں ٹیموں کے مابین سیریز میں شامل تینوں میچز آئی سی سی مینز کرکٹ ورلڈکپ سپر لیگ کا حصہ ہیں۔
تفصیلات کے مطابق پاک ویسٹ انڈیز ون ڈے انٹرنیشنل سیریز راولپنڈی سے ملتان منتقل کردی گئی ہے۔آٹھ، دس اور بارہ جون کو کھیلے جانے والے یہ تینوں میچز شام 5 بجے شروع ہوں گے۔
سیریز کے لیے قومی کرکٹ اسکواڈ کا تربیتی کیمپ یکم سے چار جون تک نیشنل ہائی پرفارمنس سینٹر لاہور میں جاری رہے گا، قومی اسکواڈ پانچ جون کو ملتان روانہ ہوجائے گا جب کہ سیریز میں شرکت کرنے کےلیے مہمان اسکواڈ 6 جون کو اسلام آباد پہنچے گا بعدازاں چارٹرڈ طیارہ کے ذریعے ملتان روانہ ہوگا۔
تین ون ڈے انٹرنیشنل میچز میں قومی سکواڈ بابراعظم (کپتان)، شاداب خان (نائب کپتان)، عبداللہ شفیق، فخر زمان، حارث رؤف، حسن علی، افتخار احمد، امام الحق، خوشدل شاہ، محمد حارث (وکٹ کیپر بیٹر) محمد نواز، محمد رضوان (وکٹ کیپر بیٹر)، محمد وسیم جونیئر، شاہین شاہ آفریدی، شاہنواز دہانی اور زاہد محمود پر مشتمل ہے۔
جبکہ سپورٹ سٹاف میں منصور رانا (ٹیم منیجر)، ثقلین مشتاق (ہیڈ کوچ)، شان ٹیٹ (باؤلنگ کوچ)، محمد یوسف (بیٹنگ کوچ)، عبدالمجید (فیلڈنگ کوچ)، ڈرکس سائمن (اسٹرینتھ اینڈ کنڈیشنگ کوچ)، کلف ڈیکن (فزیو تھراپسٹ)، شاہد اسلم (اسسٹنٹ ٹو ہیڈ کوچ)، احسن افتخار ناگی (میڈیا منیجر)، کرنل ریٹائرڈ عمران (سیکورٹی منیجر)، طلحہ اعجاز (اینالسٹ)، محمد عمران (مساجر)، عمار احسن (ڈیجٹل کنٹنٹ پروڈیوسر) اور ڈاکٹر نجیب اللہ سومرو (ڈاکٹر) شامل ہیں۔
ملتان کرکٹ اسٹیڈیم میں 8 جون کو کھیلے جانے والے پہلے ون ڈے انٹرنیشنل میچ میں علیم ڈار اور احسن رضا (آن فیلڈ امپائرز)، راشد ریاض (تھرڈ امپائر)، فیصل آفریدی (فورتھ امپائر) اور محمد جاوید (میچ ریفری) میچ آفیشلز کی ذمہ داریاں انجام دیں گے۔
10 جون دوسرے ون ڈے انٹرنیشنل میچ میں علیم ڈار اور آصف یعقوب(آن فیلڈ امپائرز)، احسن رضا (تھرڈ امپائر)، فیصل آفریدی (فورتھ امپائر) اور محمد جاوید (میچ ریفری) میچ آفیشلز کی ذمہ داری سنبھالیں گے۔
12 جون کو کھیلے جانے والے تیسرے ون ڈے انٹرنیشنل میچ کے دوران علیم ڈار اور راشد ریاض(آن فیلڈ امپائرز)، آصف یعقوب (تھرڈ امپائر)، فیصل آفریدی (فورتھ امپائر) جب کہ محمد جاوید (میچ ریفری) ہوں گے۔