لاہور (یاک ترک نیوز)
پاک انگلینڈ ٹیسٹ سیریز کے لیے قومی کرکٹ ٹیم کے 18 رکنی اسکواڈ کا اعلان کر دیا گیا۔ چیف سلیکٹر محمد وسیم نے لاہور میں میڈیا سے گفتگو کرتے ہوئے ٹیم کے کھلاڑیوں کا اعلان کیا۔ بابر اعظم ٹیم کی قیادت کریں گے۔ دیگر کھلاڑیوں میں محمد رضوان، عبداللہ شفیق، ابرار احمد، اظہر علی، فہیم اشرف، حارث رؤف، امام الحق، محمد علی، محمد نواز، محمد وسیم جونیئر، نسیم شاہ، نعمان علی، سلمان علی آغا، سرفراز احمد، سعود شکیل، شان مسعود اور زاہد محمود شامل ہیں۔
چیف سلیکٹر محمد وسیم نے کہا کہ ورلڈکپ میں ٹیم کی کارکردگی پر بابر اعظم اور ان کی ٹیم کو کریڈٹ دیتا ہوں۔ انہوں نے کہا پاکستان ٹیم فائنل میں پہنچی اور زبردست کھیلی۔ محمد وسیم کا کہنا تھا کہ قومی ٹیم نے کچھ عرصے میں ہر فارمیٹ میں اچھی کارکردگی کا مظاہرہ کیا ہے۔ پاکستان کرکٹ کے لیے یہ سال بہترین رہا ہے جس کا کریڈٹ دینا چاہیے۔