پشاور(پاک ترک نیوز) پشاور کے علاقے کوچہ رسالدار کی مسجد میں نماز جمعہ کے دوران دھماکہ ہوا۔ دھماکے میں 30نمازی شہید جبکہ متعدد زخمی ہو گئے
تفصیلات کےمطابق پشاور کے علاقے کوچہ رسالدار کی مسجد میں دھماکہ نماز جمعہ کے دوران ہوا، دھماکے کے وقت مسجد میں نمازیوں کی بڑی تعداد موجود تھی۔ہلاکتوں میں اضافے کا خدشہ ہے۔
سکیورٹی اہلکاروں نے علاقے کو گھیرے میں لے لیا۔ پولیس کے مطابق لیڈی ریڈنگ اسپتال میں ایمرجنسی نافذ کر دی گئی۔ ریسکیو حکام کے مطابق تنگ گلیوں کے باعث امدادی کاموں میں مشکلات کا سامنا ہے ۔
معاون خصوصی بیرسٹر سیف کا کہنا ہے کہ دھماکےسےپہلےدہشتگردوں کاپولیس کیساتھ فائرنگ کاتبادلہ ہوا۔مسجدکےباہرپولیس تعینات تھی۔دہشتگردوں نےفائرنگ کی جس پرپولیس نےجوابی فائرکیے۔