لاہور (پاک ترک نیوز) لاہور سمیت پنجاب کے 24اضلاع کے تعلیمی اداروں میں موسم سرما کی تعطیلات کا کل سے آغاز ہوگا۔ پنجاب حکومت کی جانب سے تعلیمی اداروںمیں دو مراحل میں تعطیلات دینے کا فیصلہ کیا گیا ہے ۔
تفصیلات کے مطابق لاہور سمیت پنجاب کے 24 اضلاع میں23 دسمبر سے 6 جنوری جبکہ12 اضلاع میں 3 جنوری سے 13 جنوری تک تعطیلات ہوں گی۔ ، قصور، گوجرانوالہ، شیخوپورہ، ساہیوال، ملتان، سرگودھا، سیالکوٹ، فیصل آباد سمیت دیگر اضلاع میں 23دسمبر سے6جنوری تک تعطیلات ہونگی۔
ضلع جہلم، میانوالی، اٹک، جہلم، مظفر گڑھ، چکوال، بھکر، راولپنڈی، راجن پور، لیہ، رحیم یار خان، ڈی جی خان اور چنیوٹ میں 3جنوری سے 13 جنوری تک تعطیلات ہوں گی۔