پنجاب کے 24 اضلاع میں 23دسمبر سے 6 جنوری تک موسم سرما کی تعطیلات ہونگی

لاہور (پاک ترک نیوز) پنجاب حکومت نے تعلیمی اداروں میں موسم سرما کی تعطیلات کا نوٹیفکیشن لاہور ہائیکورٹ میں پیش کردیا ۔ حکومت پنجاب نے موسم سرما کی تعطیلات کو دو مختلف فیز میں تقسیم کردیا ہے ۔لاہور سمیت 24اضلاع میں سردیوں کی چھٹیاں 23دسمبر سے 6جنوری تک چھٹیاں ہوں گی ۔
تفصیلات کے مطابق پنجاب حکومت نے تعلیمی اداروں میں موسم سرما کی تعطیلات کا نوٹیفیکیشن لاہور ہائیکورٹ میں پیش کر دیا ،نوٹیفکیشن کے مطابق صوبائی دارالحکومت لاہور سمیت پنجاب کے 24 اضلاع میں 23 دسمبر سے چھ جنوری تک چھٹیاں ہوں گی ۔
جبکہ جہلم میانوالی سمیت 12اضلاع میں موسم سرما کی تعطیلات 3جنوری سے 13 جنوری تک ہوں گی ۔ ان اضلاع میں اٹک ، مظفر گڑھ ،چکوال ،بھکر اور راولپنڈی شامل ہیں ۔جبکہ راجن پور ،لیہ ، رحیم یار خان ، ڈی جی خان اور چنیوٹ میں بھی تین سے 13 جنوری تک موسم سرما کی تعطیلات ہوں گی۔