کراچی (پاک ترک نیوز) کراچی کے نیشنل سٹیڈیم میں پاکستان سپر لیگ (پی ایس ایل ) 7میں ٹورنامنٹ کی اب تک ناقابل شکست ٹیمیں آج مد مقابل ہوں گی ۔ تینوں میچز میں کامیابی حاصل کرنیوالی ملتان سلطانز کو ناقابل شکست اسلام آباد یونائیٹڈ کا چیلنج درپیش ہے۔ایونٹ کا ساتویں میچ شام ساڑھے سات بجے کراچی کے نیشنل کرکٹ سٹیڈیم میں شروع ہو گا۔
دونوں ٹیمیں پاکستان سپر لیگ میں 9بار مد مقابل آ چکی ہیں جن میں پانچ میچوں میں یونائیٹڈ جبکہ چار میں ملتان سلطان کامیاب رہی۔
پی ایس ایل 7ومیں ملتان سلطانز کی ٹیم پوائنٹس ٹیبل پر سرفہرست ہے۔ محمد رضوان کی قیادت میں ملتان سلطانز نے اب تک تین میچ کھیلے ہیں اور تینوں جیت کر پوائنٹس ٹیبل پر پہلی پوزیشن اپنے نام کی ہے۔
دوسری طرف اسلام آباد یونائیٹڈ کی ٹیم ایک میچ جیت کر پوائنٹس ٹیبل پر دوسرے نمبر پر ہے۔ پوائنٹس ٹیبل پر کوئٹہ گلیڈی ایٹرز تیسرے جب کہ لاہور قلندرز تیسرے نمبر پر ہیں۔
ٹیبل پر پشاور زلمی کا پانچواں اور کراچی کنگز کا چھٹا نمبر ہے۔ کراچی کنگز کی واحد ٹیم ہے جو اب تک کوئی میچ نہیں جیت سکی۔ کپتان بابر اعظم کی قیادت میں کراچی کو اپنے تینوں میچوں میں شکست کا سامنا کرنا پڑا ہے۔