کراچی ( پاک ترک نیوز ) پاکستان سپر لیگ (پی ایس ایل )7 کا کراچی کے نیشنل سٹیڈیم میں رنگا رنگ تقریب سے آغاز ہو گیا ۔وزیراعظم عمران خان کا پیغام بھی دکھایا گیا۔
کراچی نیشنل سٹیڈیم ایل ای ڈی لائٹس سے جگمگا اٹھا جبکہ قومی ترانے کے بعد شاندار آتش بازی کا مظاہرہ کیا گیا،عاطف اسلم اور آئمہ بیگ نے پی ایس ایل کا آفیشل ترانہ گاکر شائقین کو محظوظ کیا۔
سکرین پر پاکستان کی 70 سالہ تاریخ کو ڈاکومینٹری کی صورت میں پیش کیا گیا ۔ دفاعی چیمپئن ملتان سلطانز اور میزبان کراچی کنگز کی ٹیمیں مدمقابل آئیں گی۔
پی ایس ایل 7کی افتتاحی تقریب کے موقع پر نیشنل سٹیڈیم کراچی کا انتظام پاک فوج کے سپرد ہے جبکہ رینجرز اور پولیس کی بھاری نفری بھی تعینات ہے۔
کراچی کنگز کی قیادت بابر اعظم جبکہ ملتان سلطانز کو محمد رضوان لیڈ بھی کریں گے ۔