پی ٹی آئی کا جلسے کی اجازت نہ ملنے پر اسلام آباد ہائیکورٹ سے رجوع

اسلام آباد(پاک ترک نیوز) پاکستان تحریک انصاف نے جی 9 میں جلسے کی اجازت کیلئے اسلام آباد ہائیکورٹ سے رجوع کرلیا ۔
پی ٹی آئی نے اسلام آباد انتظامیہ کو جی نائن میں جلسے کیلئے دوبارہ درخواست جمع کرا دی، درخواست میں انتظامیہ کے سوالوں کے جواب بھی دیئے گئے ہیں، پی ٹی آئی رہنمائوں نے کہا ہے کہ ابھی تک این او سی جاری نہیں کیا گیا۔
پاکستان تحریک انصاف کے رہنماؤں بابراعوان اورعلی نواز اعوان نے ڈپٹی کمشنر آفس میں ڈی سی اسلام آباد سے ملاقات کی اور جلسے کےلئے این او سی سے متعلق تفصیلی درخواست جمع کروائی۔
پی ٹی آئی رہنماؤں نے انتظامیہ سے 4 نومبر کو جی 9 اور ایچ 9 کے درمیان جلسے اور دھرنے کا جلد این او سی جاری کرنے کی ایک بار پھر درخواست کی۔
دوسری جانب جلسے کی اجازت کے لئے تحریک انصاف نے اسلام آباد ہائیکورٹ سے بھی رجوع کرلیا ۔
درخواست میں موقف اختیار کیا گیا ہے کہ ڈپٹی کمشنر خوامخواہ معاملے کو طول کر کے این او سی جاری نہیں کررہے، کارکنوں کو ہراساں کرنے سے روکنے اور آئی جی کو خصوصی سکیورٹی کے لئے ہدایات جاری کی جائیں۔