کراچی(پاک ترک نیوز) ڈالر کی پرواز نہ رک سکی ، امریکی کرنسی 240روپے کی بلند ترین سطح پر پہنچ گئی۔
تفصیلات کے مطابق روپے کی بے قدری جاری ہے ۔ انٹر بینک میں ڈالر 6پیسے مہنگا ہو کر 240روپے کی بلند ترین سطح پر پہنچ گیا ہے جبکہ اوپن مارکیٹ میں ڈالر کی قیمت میں 3روپے 50پیسے کا بڑا اضافہ دیکھا گیا ہے۔جس کے بعد امریکی کرنسی کی نئی قیمت 246 روپے ہو گئی ہے۔
واضح رہے کہ پاکستان مسلم لیگ ن کی مخلوط حکومت آنے کے بعد انٹر بینک میں روپے کے مقابلے میں امریکی ڈالر 58 روپے مہنگا ہو چکا ہے جس کے باعث ملکی قرضوں کے بوجھ میں بھی اضافہ ہوا ہے۔