کراچی ٹیسٹ جیت کر پہلی بار کلین سوئپ کرنا چاہتے ہیں،سٹوکس

کراچی (پاک تر ک نیوز) انگلینڈ کرکٹ ٹیم کے کپتان بین سٹوکس کا کہنا ہے کہ کراچی ٹیسٹ میں کامیابی سیمٹ کر پاکستان میں پہلی بار گرین شرٹس کو کلین سوئپ کرنا چاہتے ہیں۔
کراچی میں پریس کانفرنس کرتے ہوئے انگلینڈ کے کپتان بین اسٹوکس نے کہا کہ ریحان احمد کو یہی پلان دیا ہے کہ آپ نے آؤٹ کرنا ہے، میں ہمیشہ انگلینڈ کا کپتان نہیں رہوں گا، ہم اپنے گیم کو انجوائے کرتے ہی اور جارحانہ کرکٹ کھیلتے ہیں اور اس کی ہی پریکٹس کرتے ہیں۔
انگلش ٹیم کے کپتان بین اسٹوکس کا کہنا ہے کہ کراچی ٹیسٹ میں فاسٹ بولر جیمز اینڈرسن پلئینگ الیون کا حصہ نہیں ہوں گے۔
انگلش کپتان نے اعتراف کیا کہ ملتان ٹیسٹ میں 11 وکٹیں پانے والے اسپنر ابرار احمد کو ہم نے بہتر انداز میں پک نہیں کیا،ابرار احمد نے بہترین کنٹرول کے ساتھ بولنگ کی تھی، سیریز میں کامیابی سمیٹ چکے ہیں، اس لیے مختلف کمبینیشن آزمانا چاہتے ہیں۔