لاہور(پاک ترک نیوز) فٹ بال کے شہرہ آفاق کھلاڑی کرسٹیانو رونالڈو 800 گول کرنے والے پہلے کھلاڑی بن گئے ہیں۔رونالڈو نے دو سال قبل ہی اپنے 700 گول پورے کیے تھے اور صرف دو سالوں میں وہ اسے 800 تک لے جانے میں کامیاب رہے۔رونالڈو 30 سال کے ہونے کے بعد سے 372 میچوں میں 338 گول کر چکے ہیں۔
رونالڈو نے ریال میڈرڈ کی جانب سے 450، مانچسٹر یونائیٹڈ سے 130، یووینٹس کے لیے 101 اور پرتگال کی طرف سے ریکارڈ 115 گول کیے۔
رونالڈو نے 2002 میں اسپورٹنگ لزبن کے ساتھ اپنے کیریئر کا آغاز کیا تھا، اور اسی سال 7 اکتوبر کو موریرنس کے خلاف 3-0 کی فتح میں اپنی ٹیم کے لیے دو گول کرنے میں کامیاب ہوئے۔
رونالڈو 184 میچوں میں پرتگال کی نمائندگی کر چکے ہیں۔ اس طرح وہ اپنی قومی ٹیم کی طرف سے سب سے زیادہ میچ کھیلنے والے یورپی فٹبالر بن چکے ہیں۔