واشنگٹن (پاک ترک نیوز) کورونا کی پانچویں لہر اور اومیکرون کے تیز پھیلاؤ نے دنیا بھر میں ایک بار پھر خوف کے سائے گہرے کردیئے ہیں اور بیشتر ممالک میں پھر سے پابندیاں لگنا شروع ہو گئی ہیں۔ امریکہ نے کورونا وبا کے پھیلائو کے پیش نظر 16ممالک کو خطرناک قرار دے کر سیاحت پر پابندی لگا دی ہے ۔
تفصیلات کے مطابق کے مطابق امریکی مرکز برائے تحفظ وانسداد امراض نے ایران ،یونان، آئرلینڈ، لیبیا سمیت 16 ممالک میں کورونا وائرس میں تیزی کے باعث سیاحت پر پابندی لگائی ہے۔
امریکہ کی جانب سے خطرناک قرار دیئے گئے ممالک میں قازقستان، آئرلینڈ، لیبیا، یونان، ایران، اندورا، مالٹا، لیسوتھو، جبل طارق، غواڈالوپ، کوراکاؤ، آئل آٖف مین، مارٹینیق، سینٹ بارتھلیمی، امریکی جزائر ورجن اور سینٹ مارٹن سمیت دیگر ممالک شامل ہیں۔
ان ممالک کے حوالے سے امریکی مرکز برائے تحفظ انسداد امراض نے انتباہ جاری کیا ہے جس میں انہیں خطرناک ممالک قرار دیتے ہوئے ان ممالک کے لیے سیاحت کی پابندی لگائی گئی ہے۔