کولمبو(پاک ترک نیوز) سری لنکا کے شہر گال میں جاری دوسرے ٹیسٹ میچ کی دوسری اننگز میں سری لنکا نے چائے کے وقفے تک 4وکٹوں کے نقصان پر 109رنز بنا لئے ہیں اور اس کی مجموعی برتری 256رنز ہو گئی ہے ۔چندیمیل 18جبکہ کپتان کورتنے 4رنز کے ساتھ کریز پر موجود ہیں ۔اینجلو میتھیوز 35، فرنینڈو 19رنز بنا کر پویلین لوٹ چکے ہیں ۔
پاکستان کی جانب سے نسیم شاہ،یاسر شاہ ،نعمان اور آغا سلمان نے ایک ایک کھلاڑیوں کو آئوٹ کیا۔
اس سے قبل پاکستان کی پوری ٹیم سری لنکا کے 378رنز کے جواب میں 231رنزبنا کر آئوٹ ہو گئی تھی ۔پاکستان کی جانب سے پہلی اننگز میں آغا سلمان نے 62،امام الحق 32جبکہ فواد عالم اور محمد رضوان نے 24،24رنز کی اننگز کھیلی جبکہ کپتان بابراعظم 16رنز بنا کر آئوٹ ہو گئے تھے ۔
میزبان ٹیم سری لنکا کی جانب سے رمیشن مینڈس نے 5جبکہ جے سوریا نے 3کھلاڑیوں کو آئوٹ کیا ۔
سری لنکا کو پہلی اننگز میں 147رنز کی برتری حاصل ہوئی تھی ۔
یاد رہے کہ دو ٹیسٹ میچوں کی سیریز میں پاکستان کو میزبان سری لنکا پر ایک صفر کی ناقابل شکست برتری حاصل ہے۔