کولمبو (پاک ترک نیوز) سری لنکا کے شہر گال میں جاری دوسرے ٹیسٹ میچ کے چوتھے روز سری لنکا نے پاکستان کو جیت کیلئے 508رنز کا ہدف دیدیا ۔میزبان ٹیم نے 8وکٹوں کے نقصان 360رنز بنا کر اننگز ڈیکلئیئر کردی۔
ڈی سلوا نے 109رنز بنائے جبکہ رمین مینڈس 45رنز بنا کر ناٹ آئوٹ رہے ۔کپتان کورونتے 61رنز بنا سکے ۔
پاکستان کی جانب سے نسیم شا ہ ، یاسر شاہ اور محمد نواز نے دو دو جبکہ ،نعمان اور آغا سلمان نے ایک ایک وکٹ حاصل کی ہے۔
اس سے قبل سری لنکا نے اپنی پہلی اننگز میں 378رنز بنائے تھے جس کے جواب میں پاکستانی ٹیم 231رنز بنا کرآئوٹ ہو گئی تھی ۔
یاد رہے کہ دو ٹیسٹ میچوں پر مشتمل سیریز میں پاکستان کو سری لنکا پر ایک صفر کی ناقابل شکست برتری حاصل ہے۔