اسلام آباد(پاک ترک نیوز) گزشتہ روز لاپتہ ہونیوالے کم عمر ترین کوہ پیمام شہروز کاشف کیمپ تھری پہنچ گئے ۔شہروز کاشف کے والد کا کہنا ہے کہ شہروز ساتھی فضل علی اپنی مدد آپ کے تحت کیمپ تھری پہنچے ہیں، کوہ پیماؤں کی لوکیشن ٹیلی اسکوپ کے ذریعے معلوم کی گئی ہے۔
تفصیلا ت کے مطابق گزشتہ روز نانگا پربت سر کرنے کے بعد لاپتہ ہونے والے کم عمر ترین کوہ پیما شہروز کاشف کیمپ تھری پہنچ گئے۔
اس سے قبل گزشتہ شب اپنے ویڈیو بیان میں شہروز کاشف کے والد نے اپنے بیٹے کو ریسکیو کرنے کے لیے پاکستان کے آرمی چیف سے مدد کی اپیل کی تھی۔
یاد رہے کہ پاکستان کے کم عمر ترین کوہ پیما شہروز کاشف اور فضل علی نانگا پربت سے واپسی پر لاپتہ ہوگئے تھے۔