صنعا(پاک ترک نیوز) یمن کے سائنسدان ہاشم الغیلی نے کئی برس تک فضا میں معلق رہنے والا لگژری ہوٹل کا منصوبہ تیار کرلیا۔ سکائی کروز نامی ہوٹل میں بیک وقت پانچ ہزار سے زائد افراد سفر کر سکیں گے ۔جہاز کے اوپرے والے حصہ میں 360 ڈگری زاویہ سے بادلوں کا خوبصورت نظارہ بھی ممکن ہوگا۔
دیوقامت جہاز پر دیگر کمرشل جہاز لینڈنگ کرکے مسافروں کو لانے اور لے جانے کی سہولت فراہم کریں گے۔ جوہری طاقت سے اڑنے والے ہوٹل میں جم، شاپنگ مال، پلے گراونڈ، سوئمنگ پول، ریسٹورانٹ، تھیٹر اور ایک کانفرنس سینٹر بھی ہوگا۔
جہاز کی ویڈیو وائرل ہونے کے بعد سے لوگ اسکائی کروز کو نیا ٹائیٹنک قرار دے رہے ہیں۔
اس جہاز میں بجلی سے چلنے والے 20قریب انجن لگائے گئے ہیں۔]