کابل (پاک ترک نیوز) افغانستان نے پاکستان کیخلاف تین میچوں پر مشتمل ٹی20سیریز کے شیڈول کا اعلان کردیا ۔افغانستان سے سیریز کیلئے پاکستانی ٹیم کا اعلان اگلے ہفتے متوقع ہے۔
سیریز شارجہ سٹیڈیم میں کھیلی جائے گی۔ دونوں ٹیموں کے درمیان پہلا ٹی ٹونٹی میچ 25 مارچ، دوسرا 27 مارچ جبکہ تیسرا 29 مارچ کو کھیلا جائے گا۔
قومی ٹیم کا تربیتی کیمپ نہیں لگایا جائے گا۔ بابراعظم کی کپتانی میں ٹیم بائیس مارچ کی شب شارجہ روانہ ہوگی۔
افغانستان کے خلاف رواں ماہ ہونے والی تین ٹی20 میچز کی سیریز کے لیے پاکستانی ٹیم کے انتخاب پر مشاورت شروع کردی گئی۔
چیف سلیکٹر ہارون رشید کی سربراہی میں سلیکشن کمیٹی کا باقاعدہ اجلاس جلد متوقع ہے، ابتدائی طور پر 20 یا 22 کھلاڑیوں کے ناموں کے اعلان کا آپشن بھی رکھا جارہا ہے جس سے 16 رکنی ٹیم منتخب کی جائے گی جبکہ ٹیم کا اعلان ٹورنامنٹ کے فائنل سے قبل متوقع ہے۔