کولمبو(پاک ترک نیوز) ایشیا کپ سپر فور مرحلے کے اہم میچ میں پاکستان اورسری لنکا کی ٹیمیں فائنل کا ٹکٹ کٹوانے کیلئے کل مد مقابل آئیں گی جبکہ میچ میں بارش کی بھی بھرپور انٹری کا امکان ہے ۔
تفصیلات کے مطابق ایشیا کپ کے سپر فور مرحلہ کا پاکستان اور سری لنکا کے درمیان کل ہونیوالا میچ سیمی فائنل کی حیثیت اختیار کر گیا ۔کل میچ جیتنے والی ٹیم کا مقابلہ فائنل میں بھارت سے متوقع ہے ۔اس وقت پاکستان اور سری لنکا کی ٹیموں کے دو میچ کھیل کر دو دو پوائنٹس ہیں۔
یاد رہے کہ بارش کی وجہ سے میچ نہ ہو سکا تو پاکستان اور سری لنکا کی ٹیموں کو ایک ایک پوائنٹ ملے گا، اس صورت میں سری لنکن ٹیم رن ریٹ بہتر ہونے کی وجہ سے فائنل کیلئے کوالیفائی کر جائے گی۔