کینبرا (پاک ترک نیوز) آسٹریلیا میں وہیل مچھلی کشتی سے ٹکرانے سے ایک شخص ہلاک جبکہ ایک شخص زخمی ہوگیا جسے ہسپتال منتقل کر دیا گیا ۔
حکام نے بتایا کہ آسٹریلیا میں ماہی گیری کے سفر کے دوران ایک وہیل مچھلی سے ٹکرانے اور ان کی چھوٹی کشتی الٹنے سے ایک شخص ہلاک جبکہ دوسرا زخمی ہوگیا جسے ہسپتال میں داخل کرایا گیا۔
یہ واقعہ سڈنی سے چار کلومیٹر دور پیش آیا جہاں وہیل مچھلی ایک چھوٹی کشتی سے ٹکرا گئی جس کے باعث ایک ماہی گیر ہلاک جبکہ ایک زخمی ہو گیا ۔
پولیس کے مطابق دوسری کشتی پر سوار لوگوں نے پانی میں خالی کشتی دیکھ کر حکام کو آگاہ کیا ۔