آسٹریلیا کی پاکستان کیخلاف بیٹنگ جاری

بنگلورو (پاک ترک نیوز) آئی سی سی ورلڈ کپ 2023کے 18ویں میچ میں آسٹریلیا کی پاکستان کیخلاف بیٹنگ جاری ہے۔
تفصیلات کےمطابق بھارتی شہر بنگلورو میں جاری آئی سی سی ورلڈ کپ 2023کے 18ویں میچ میں پاکستان نے ٹاس جیت کر پہلے بائولنگ کا فیصلہ کیا ۔
آسٹریلیا نے 7.3اوورز میں بغیر کوئی وکٹ گنوائے 42رنز بنا لئے ۔ڈیوڈ وارنر نے 21جبکہ مچل مارش نے 15رنز بنائے ہیں ۔
میگا ایونٹ میں پاکستان نے اب تک تین میچ کھیلے ہیں جن میں سے اسے دو میں کامیابی ملی جبکہ ایک میچ میں شکست کا سامنا کرنا پڑا تھا ۔
دوسری جانب آسٹریلیا بھی ٹورنامنٹ میں تین میچز کھیل کر ایک میں کامیاب جبکہ دو میں شکست کھا چکی ہے۔