اسلام آباد (پاک ترک نیوز) آذربائیجان کی قومی ایئرلائن نے پاکستان کیلئے براہ راست پروازیں جلد شروع کرنے کا اعلان کردیا ۔
آذربائیجان کی قومی ایئرلائن لاہور،کراچی اور اسلام آباد کیلئے جلد براہ راست پروازوں کا آغاز کرے گی ۔
آذربائیجان کے سفیر ایچ ای خضر فرہادوف نے بتایا ہے کہ آذربائیجان ایئر لائن لاہور، کراچی اور اسلام آباد کے لیے بھی براہ راست پروازیں شروع کرے گی۔ آذربائیجان اور ترکیہ کی دوطرفہ تجارت تقریباً 6 بلین امریکی ڈالر ہے اور آذربائیجان پاکستان کے ساتھ اسی طرح کا تجارتی حجم چاہتا ہے جو دونوں ممالک کے لیے بہت فائدہ مند ہوگا۔
یہ بات انہوں نے اسلام آباد چیمبر آف کامرس اینڈ انڈسٹری (آئی سی سی آئی) کے دورے کے موقع پر تاجر برادری سے بات چیت کرتے ہوئے کہی۔