لاہور (پاک ترک نیوز) قومی کرکٹ ٹیم کے کپتان بابراعظم کو بھارت نے آٹھویں جماعت کے سپورٹس نصاب میں شامل کر لیا ہے۔
سماجی رابطے کی ویب سائٹ ٹوئٹر پر وائرل پوسٹ میں کتاب کا صفحہ شیئر کیاگیا ہے جس میں بابراعظم، سچن ٹنڈولکر، ویرات کوہلی، ایم ایس دھونی، جنوبی افریقہ کے اے بی ڈی ویلیئرز اور ویسٹ انڈیز کے کرس گیل واضح نظر آ رہے ہیں۔
قومی کپتان بابراعظم کے علاوہ بھارت اور دیگر ممالک کے معروف کھلاڑی بھی انڈین سرٹیفکیٹ آف سیکنڈری ایجوکیشن (آئی سی ایس ای) کے سپورٹس نصاب کا حصہ ہیں۔
آٹھویں جماعت کی اس کتاب میں سوال کیاگیا ہے کہ کھلاڑیوں کو ان کے نِک نیم (عرفیت) سے ملائیں، بابراعظم اعظم کی عرفیت بابی درج ہیں، اس میں کالم اے میں کھلاڑیوں کے نا م ہیں جبکہ کالم ب میں ان کی عرفیت دی گئی ہے۔