بابر اعظم ویرات کوہلی کا ایک اور ٹی ٹونٹی ریکارڈ توڑنے کے قریب

لاہور(پاک ترک نیوز) پاکستان کرکٹ ٹیم کے کپتان بابر اعظم انگلینڈ سیریز میں ویرات کوہلی کے ٹی ٹونٹی ریکارڈ کو پیچھے چھوڑنے کے قریب ہیں۔
پاکستان کے وائٹ بال کپتان بابر اعظم انگلینڈ کے خلاف آئندہ سیریز کے دوران ایک اہم T20I ریکارڈ توڑنے کے قریب ہیں، جو فی الحال ہندوستانی اسٹار بلے باز ویرات کوہلی کے پاس ہے۔
کوہلی 109 اننگز میں 4037 رنز کے ساتھ ٹی ٹونٹی کی تاریخ میں سب سے زیادہ رنز بنانے والے کھلاڑی ہیں، تاہم اعظم کو ریکارڈ بنانے کے لیے صرف 83 رنز درکار ہیں۔
پاکستانی کپتان اس وقت ٹی ٹونٹی کرکٹ میں سب سے زیادہ رنز بنانے والوں میں 3955 رنز کے ساتھ کوہلی اور بھارتی کپتان روہت شرما (3974) کے پیچھے تیسرے نمبر پر ہیں۔
انگلینڈ کے خلاف چار میچوں کی ٹی ٹونٹی سیریز بابراعظم کو ریکارڈ توڑنے اور ٹی ٹونٹی میں 4000 رنز بنانے والے پہلے پاکستانی بلے باز بننے کا بہترین موقع فراہم کرے گی۔
اسٹار بلے باز، جو 46 فتوحات کے ساتھ ٹی ٹونٹی کی تاریخ کے سب سے کامیاب کپتان بھی ہیں،محدود اوورز کی کرکٹ میں بطور کپتان سب سے زیادہ رنز بنانے کا ریکارڈ بھی رکھتے ہیں۔