باجوڑ (پاک ترک نیوز) خیبرپختونخوا کے ضلع باجوڑ میں پولیس گاڑی پر دھماکے کے نتیجے میں 5 پولیس اہلکار جاں بحق اور 13 زخمی ہوگئے۔
تفصیلات کے مطابق خیبرپختونخوا کے ضلع تحصیل ماموند کے علاقےبیلوٹ فرش میں پولیس گاڑی پر آئی ای ڈی دھماکا ہوا۔دھماکے کے نتیجے میں پانچ پولیس اہلکار جاں بحق اور 14 زخمی ہوگئے، دھماکے سے پولیس کی گاڑی کو بھی نقصان پہنچا۔پولیس اور سیکیورٹی فورسز نے علاقے کو گھیرے میں لے کر سرچ آپریشن شروع کردیا اور شواہد اکٹھے کئے جارہے ہیں۔
دھماکے کے نتیجے میں زخمیوں کو ہسپتال منتقل کرد یا گیا ،پولیس اہلکار انسداد پولیومہم کے سلسلے میں تعیناتی کیلئے جارہے تھے۔