کھٹمنڈو (پاک ترک نیوز) نیپال میں ماؤنٹ ایورسٹ کے قریب غیر ملکی سیاحوں کو لے جانے والا ہیلی کاپٹر گر کر تباہ ہو گیا جس کے باعث پانچ افراد ہلاک ہو گئے ہیں۔ طیارے میں سوار ایک اور شخص تاحال لاپتہ ہے۔
حادثے کا شکارہونے والا ہیلی کاپٹر میں پانچ میکسیکن شہری اور نیپالی پائلٹ سوار تھے۔ہیلی کاپٹر اڑان بھرنے کے بعد صبح سے ہی لاپتہ ہوگیا تھا ۔
ہیلی کاپٹر لاماجورا کے علاقے میں گر کر تباہ ہوا۔ علاقے کے چیف گورنمنٹ ایڈمنسٹریٹر بسنتا بھٹارائی نے کہا کہ امدادی کارکنوں نے پانچ افراد کی لاشیں نکال لی ہیں اور چھٹے شخص کی تلاش کر رہے ہیں۔