واشنگٹن(پاک ترک نیوز ) امریکہ کے سابق صدر ڈونلڈ ٹرمپ کیپیٹل ہل حملہ کیس میں امریکی عدالت کی جانب سے کو نااہل قرار دے دیا گیا۔
امریکی ریاست کولوراڈو کی سپریم کورٹ نے ڈونلڈ ٹرمپ کو نااہل قرار دیا، ڈونلڈ ٹرمپ امریکی تاریخ کے پہلے صدارتی امیدوار ہیں جنہیں نااہلی کا سامنا کرنا پڑا ہے، سابق صدر کو 4 جنوری تک اپیل کا حق بھی دیا گیا ہے۔
کولواڈو کی عدالت نے اپنے فیصلے میں کہا ہے کہ ڈونلڈ ٹرمپ کیپیٹل ہل پر حملے میں ملوث ہونے کی وجہ سے انتخابات لڑنے کے اہل نہیں، سابق صدر کو بغاوت یا بغاوت میں ملوث افراد کو عہدہ سنبھالنے سے روکنے کی امریکی آئین میں موجود شق کے تحت نااہل کیا گیا ہے۔