پاکستان ٹی ٹونٹی ورلڈ کپ کے پہلے میچ میں میزبان امریکہ کے مد مقابل

ڈیلاس (پاک ترک نیوز) آئی سی سی ٹی20 ورلڈ کپ 2024میں پاکستان کا آج پہلا امتحان ہے، قومی ٹیم میزبان ملک امریکہ سے ٹکرائے گی۔
پاکستان اور امریکا کی ٹیموں کے درمیان جوڑ آج ڈیلاس کرکٹ گراؤنڈ میں پاکستانی وقت کے مطابق رات ساڑھے 8 بجے پڑے گا۔
یاد رہے کہ پاکستان اور امریکا کی ٹیمیں پہلی بار آمنے سامنے ہوں گی، ورلڈ کپ کے افتتاحی میچ میں امریکہ نے پہلے میچ میں کینیڈا کو7 وکٹوں سے شکست دی تھی۔
قومی کپتان بابر اعظم اور فاسٹ باؤلر محمد عامر جیت کے لیے پرعزم ہیں۔قومی کپتان بابر اعظم کا کہنا ہے کہ امریکا کی وکٹیں باؤلرز کے لیے ساز گار ہیں لیکن ہمارا ٹیم کمبی نیشن بہترین ہے۔
فاسٹ باؤلر محمد عامر نے پریس کانفرنس کرتے ہوئے کہا ہے کہ ہم یہاں جیتنے آئے ہیں، ہرطرح کی صورتحال کے لیے تیار ہیں۔