کراچی (پاک ترک نیوز) پاکستان سٹاک ایکسچینج میں تاریخ رقم ،انڈیکس نئی بلند ترین سطح پر پہنچ گیا ۔انٹر بینک میں امریکی ڈالر 2 پیسے مہنگا ہوا ہے۔
کاروباری ہفتے کے تیسرے روز آغاز سے ہی اسٹاک ایکسچینج میں زبردست تیزی دیکھنے میں آئی ، 100 انڈیکس میں 550 پوائنٹس کا اضافہ ہوا جس سے انڈیکس 80 ہزار 103 کی نئی بلند ترین سطح پر پہنچ گیا۔
یاد رہے کہ نئے مالی سال کے ابتدائی دو روز میں 100 انڈیکس ایک ہزار سے زائد پوائنٹس بڑھا۔ گزشتہ روز بھی انڈیکس میں 728 پوائنٹس اضافہ ہوا ، کاروبار کے اختتام پر انڈیکس 79553 پوائنٹس پر بند ہوا تھا۔
انٹر بینک میں ڈالر 2 پیسے مہنگا ہو گیا جس کے بعد ڈالر کی قیمت 278 روپے 40 پیسے ہو گئی۔