ڈبلن (پاک ترک نیوز) آئر لینڈ نے پاکستان سے ٹی ٹونٹی سیریز سہ فریقی سیریز اور ٹی 20ورلڈ کپ کیلئے سکواڈ کا اعلان کردیا ۔
تفصیلات کے مطابق آئرلینڈ نے ٹی 20 ورلڈ کپ کے لیے 15 رکنی اسکواڈ کا اعلان کر دیا ہے۔ میگا ایونٹ میں پال اسٹرلنگ قیادت کریں گے۔
کرکٹ آئرلینڈ نے پاکستان کے خلاف آئندہ تین میچوں کی ٹی ٹونٹی سیریز، نیدرلینڈز اور سکاٹ لینڈ کے خلاف T20 سہ فریقی سیریز اور ICC مینز T20 ورلڈ کپ 2024 کے لیے تین اسکواڈز کا اعلان کر دیا۔
پاکستان T20I اور سہ فریقی سیریز کے لیے آئرلینڈ کے اسکواڈ میں 14 کھلاڑی شامل ہیں، تاہم، تیز رفتار بولر جوش لٹل، جو اس وقت انڈین پریمیئر لیگ (IPL) 2024 میں حصہ لے رہے ہیں، کو T20 ورلڈ کپ 2024 کے اسکواڈ میں 15ویں رکن کے طور پر شامل کیا جائے گا۔
آئرش ٹیم میں کرٹس کیمفر، گیریتھ ڈیلانے، مارک اڈائر، راس اڈائر، اینڈریو بالبرنی، جارج ڈوکریل، گراہم ہیوم، جوش لٹل، بیری مک کارتھی، نائل راک، ہیری ٹیکٹر، لورکان ٹَکر، بین وائٹ اور کریگ ینگ شامل ہیں۔