لندن (پاک ترک نیوز)
جان ویک چیپٹر۔4 پریمیئرلندن لیسٹر اسکوائر کے سین ورلڈ سینما میں منعقد ہوا ۔ اس گالا ایونٹ میں فلم کے مرکزی کردار کینو ریوز سمیت فلم کی ساری کاسٹ نے شرکت کی۔
دنیا بھر میں ایکشن فلموں کے شائقین جان ویک چیپٹر۔4 کابے تابی سے انتظار کر رہے ہیں ۔ جس کا امریکہ کے بعد پیرکی شب برطانیہ میں بھی پریمیئرمنعقد ہوا۔”جان وِک”کی چوتھی قسط اپنے پیارے کتے کے المناک قتل کے بعد مجرمانہ انڈرورلڈ میں کھینچے گئے ایک سابق قاتل کی سنسنی خیز کہانی کو پیش کرتی ہے۔
اس گالا ایونٹ میںشرکت کے لئےجاپانی نژادبرطانوی گلوکارہ اور کاسٹ ممبر رینا سوایامااوربرطانوی اداکار سکاٹ ایڈکنز سین ورلڈ لیسٹر اسکوائر میں "جان وِک: چیپٹر 4” کے یو کے پریمیئر میں پہنچے۔جبکہ تقریب کے مہمانوں میں برطانوی نژاد ترک اداکارہ اور ریئلٹی شو لو آئی لینڈ کی فاتح ایکسونو بھی شامل تھی۔
ایکشن سے بھرپور سیریز کے شائقین کو تازہ ترین قسط دیکھنے کے لیے زیادہ انتظار نہیں کرنا پڑے گا، کیونکہ "جان وِک: چیپٹر 4” 24 مارچ کو سینما گھروں میں نمائش کے لیے تیار ہے۔