کراچی کنگز کو اسلام آباد یونائیٹڈ کا چیلنج درپیش

راولپنڈی (پاک ترک نیوز) پاکستان سپر لیگ سیزن 8کے 19ویں میچ میں اسلام آباد یونائیٹڈ کوکراچی کنگز کا چیلنج درپیش ہے۔
تفصیلات کے مطابق پاکستان سپر لیگ (پی ایس ایل )8میں کراچی کنگز کا مقابلہ اسلام آباد یونائیٹڈ سے ہوگا ۔ پاکستانی وقت کے مطابق یہ میچ شام سات بجے کھیلا جائے گا ۔
اسلام آباد یونائیٹڈ پوائنٹس ٹیبل پر تیسرے جبکہ کراچی کنگز کا پانچواں نمبر ہے ۔
گزشتہ رات کھیلے گئے میچ ہوم گرائونڈ پر لاہورقلندرز نے دلچسپ مقابلے کے بعد کوئٹہ گلیڈی ایٹرز کو 17رنزسے شکست دی۔
کوئٹہ گلیڈی ایٹرز نے ٹاس جیت کر فیلڈنگ کا فیصلہ کیا۔ لاہورقلندرز نے 19.2اوورز میں 148رنز بنائے ۔ سکندر رضا نے 71رنز بنائے اور آئوٹ نہیں ہوئے ۔راشد خان نے 21جبکہ کپتان شاہین آفریدی نے 16رنز کی اننگز کھیلی ۔
گلیڈی ایٹرز کی جانب سے محمد نواز اور نوین الحق نے دو دو کھلاڑیوں کو آئوٹ کیا۔
کوئٹہ گلیڈی ایٹرز 149رنز کاہدف حاصل کرنے میں ناکام رہی اور مقررہ بیس اوورز میں 7وکٹوں کے نقصان پر 131رنز بنا سکی ۔سمیڈ نے 32جبکہ کپتان سرفراز احمد نے 27رنز بنائے۔