اسلام آباد (پاک ترک نیوز ) مریم نواز مسلم لیگ ن کی مرکزی نائب صدر مقرر کردی گئیں۔
تفصیلا ت کے مطابق وزیر اطلاعات مریم اورنگزیب نے ٹوئٹ کی کہ وزیر اعظم پاکستان اور مسلم لیگ ن کے صدر شہباز شریف نے پارٹی کے بڑے تنظیمی فیصلے کا اعلان کر دیا ہے۔
مریم اورنگزیب کا کہنا تھا کہ مسلم لیگ ن کے صدر شہباز شریف نے مریم نواز کو ن لیگ کی سینئر نائب صدر مقرر کر دیا ہے، مریم اورنگزیب نے پارٹی صدر کے فیصلے کا نوٹیفکیشن بھی جاری کر دیا ہے۔
نوٹیفکیشن ن لیگ کے صدر شہباز شریف کے دستخط سے جاری ہوا ہے، شہباز شریف نے مریم نواز کو پارٹی کا چیف آرگنائزر بھی مقرر کر دیا ہے، پارٹی کی تنظیم نو کی ذمہ داری مریم نواز کو سونپ دی گئی۔