واشنگٹن (پاک ترک نیوز) میکڈونلڈ کی فروخت میں اسرائیل کی جانب سے غزہ میں بربریت کے باعث عالمی سطح پر جاری بائیکاٹ کے باعث شدید متاثر ہوئی ہے ۔میکڈونلڈز کے حصص تقریباً 4 فیصد گر گئے۔
فاسٹ فوڈ چین کی جانب سے بین الاقوامی سطح پر کاروبارمیں تقریباً چار برسوں میں اپنی پہلی سہ ماہی میں فروخت میں کمی کے بارے میں آگاہ کیا گیا ہے ۔
میکڈونلڈ ان کئی مغربی کارپوریشنز میں سے ایک ہے جن میں سٹاربکس ،کوکا کولا جیسی کمپنیاں شامل ہیں جنہیں اسرائیل کی جانب سے غزہ میں جارحیت کی بنا پر بائیکاٹ کا سامنا کرنا پڑا ہے ۔
فرم نے کہا کہ اسرائیل-غزہ تنازعہ نے 2023 کی چوتھی سہ ماہی میں کچھ بیرون ملک منڈیوں کی کارکردگی کو "معنی طور پر متاثر” کیا ہے۔
اس برانچ میں جس میں مشرق وسطیٰ، چین اور ہندوستان میں فروخت شامل ہے، 2023 کی چوتھی سہ ماہی میں فروخت میں اضافہ 0.7 فیصد رہا – جو مارکیٹ کی توقعات سے بہت کم ہے۔
چیف ایگزیکٹو کرس کیمپزنسکی کا کہنا ہے کہ ملائیشیا، انڈونیشیا اور فرانس میں اس کا کاروبار متاثر ہوا ہے، جس کا سب سے زیادہ اثر مشرق وسطیٰ میں محسوس ہوا۔
میکڈونلڈ کے باس نے مزید کہا کہ "جب تک یہ جنگ جاری ہےہم ان بازاروں میں کسی خاص بہتری کی توقع نہیں کر رہے ہیں۔