میکسیکو سٹی (پاک ترک نیوز) میکسیکو میں ایک ہی روز میں پرتشدد واقعات میں ایک درجن پولیس اہلکاروں سمیت 22افرادہلاک ہوگئے ۔
حکام کے مطابق صرف ایک روز میں وسطی اور جنوب مغربی میکسیکو میں تشدد کے واقعات میں ایک درجن پولیس اہلکاروں سمیت کم از کم 22 افراد ہلاک ہو گئے ہیں۔
نامعلوم حملہ آوروں نے گوریرو ریاست کی میونسپلٹی کویوکا ڈی بینیٹیز میں گشت پرمامور پولیس پر حملہ کردیا جس میں 11پولیس افسران ہلاک ہوگئے ۔رواں برس ہلاک پولیس اہلکاروں کی تعداد 340سے بڑھ گئی ۔
پراسیکیوٹر الیجینڈرو ہرنینڈز نے کہا کہ حکام ابھی بھی گوریرو میں حملے کے محرکات کی تحقیقات کر رہے ہیں، جو میکسیکو کی غریب ترین ریاستوں میں سے ایک ہے اور منشیات کے اسمگلروں اور پولیس کے درمیان تشدد کا ایک اہم مقام ہے۔
ریاستی پراسیکیوٹر نے بتایا کہ گوریرو کے بالکل شمال میں، Michoacan ریاست میں، مسلح افراد نے ایک مقامی میئر کے بھائی کو نشانہ بناتے ہوئے پانچ افراد کو ہلاک کر دیا، جو حملے میں زخمی ہو گئے تھے۔ پانچ ہلاک ہونے والوں کی لاشیں، جن میں ایک پولیس افسر بھی شامل ہے، تاکمبرو قصبے کی ایک شاہراہ سے ملی ہیں۔